گھروں کی بیرونی نشست گاہیں

خارجی نشست گاہ بنانے کا ایک مشہور طریقہ لکڑی کے تختوں سے بنے عرشے کا استعمال ہے۔ اِس Ghose ہاؤس میں گورو رائے چودھری آرکیٹیکٹس نے ایک عرشہ شامل کیا ہے جو اندرونی رہنے کی جگہ کو باہری دنیا سے ملاتا ہے۔ اِس عرشے کے لکڑی کے شہتیر اور اِس پر موجود لکڑی کا فرنیچر گھر کے گہرے رنگوں سے میل کھاتا ہے اور گھر سے مطابقت کا احساس دیتا ہے۔ شیشے کے مڑنے والے دروازے بھی اِس ڈیزائن کا اہم حصہ ہیں۔ یہ اِس امر کو یقینی بناتے ہیں کے گھر کی اندر اور باہر کی درمیانی سرحد شفاف اور استعمال کرنے میں آسَان ہو۔ تا کہ آسْمان کے نیچے موجود ہونے اور دنیا کے سامنے عیاں ہونے کے باوجود یہ عرشہ گھر کے اندرونی رہنے کے کمرے کی طرح گھر کا حصہ لگے۔

زیادہ تر جب ہم گھر سے باہر بیٹھنے کی جگہوں کے بارے میں سوچتے ہیں تو پودوں سے بھری اور لکڑی اور دوسرے قدرتی مواد سے بنی سطح کو تصور میں لاتے ہیں۔ ممبئی میں رہنے والے معماروں کی تیار کردہ یہ بالکونی دکھاتی ہے کہ ہمیشہ ایسا ھونا ضروری نہیں۔ تصویر میں موجود گھر کی بیرونی جگہ اپنی صاف سُتھری اور جدید وضع سے پہچانی جا سکتی ہے۔ گوشےدار فرنیچر اور ریلنگ اس جگہ کو تقریباً سادہ بنا رہے ہیں۔ شاید اِس جگہ کی سب سے بڑی یادگار اِس کی مستطیل روشنیاں ہیں جو زمین پر گرتے ہوئے ایک فنکارانہ ترتیب بناتی ہیں اور روائتی ٹائلوں والی بالکونی اور جدید روشنیوں والے ڈیزائن دونوں کا حوالہ دیتی نظر آتی ہیں۔ یہ اِس جگہ کو زندہ دلی عطا کرتی ہیں اور گھر کے باہر کی جانے والی تفریح کے لیے بہترین بنا دیتی ہیں۔

گھر کے باہر موجود حَسِین نشست گاھوں میں سے ایک پول کے پاس موجود جگہ ہے۔ کلاس اپارٹ انٹیریر ڈیزائنرز اینڈ ڈیکوریٹرز کی ڈیزائن کردہ یہ متاثرکن جگہ ایشیائ تہذیب کو گاڑھے، گرم رنگوں سے ملا کر ایسی جگہ بناتی ہے جو خوبصورت بھی ہے اور آرم دہ بھی۔ پول کے آخر میں موجود ڈھکے ہوئے صوفے سے لے کر کونے پر موجود لٹکنے والی گھونسلے جیسی کرسی تک نرم گرم فرنیچر کی کثرت آپ کا نام لے کر آپ کو ایک ٹھنڈے مشروب اورمیگزین کے ساتھ آرام کرنے کے لیے بلا تی ہے۔ جب گھر سے باہر ایسی نشست گاہ موجود ہو تو یقینا آپ اپنا سارا وقت یہیں گزارنا چاہیں گے۔

گھر کے باہر موجود ایک اور روایتی نشست گاہ۔ یہ بڑا اور کھلا لان ان کے لیے بہترین ہے جن کے چھوٹے بچوں کو گھر کے باہر بھاگنے اور گھومنے کی جگہ چاہیے۔ RD's ڈیزائن سینٹر کی جانب سے پیش کی گئی یہ جگہ بچوں کے علاوہ بڑوں کی دلچسپی کے لیے بھی بہت کچھ رکھتی ہے۔ جیسا کہ لکڑی کی خوبصورت بالکونی، جو کہ گھر کے باہر فرنیچر رکھنے اور دیواروں پر دلچسپ ڈیزائن بنانے کے لیے بہترین جگہ ہے اور اِس صحن کو دور حاضر کا فیشن ایبل عنصر عطا کرتی ہے۔

گھر کے باہر نشست گاہیں سجانے کی ایک سب سے اچھی وجہ خود کو کھلی ہوا میں كھانا کھانے کی جگہ فراہم کرنا ہے۔ ہرین پٹیل آرکیٹیکٹس کے پیش کردہ اِس گھر میں ایک حَسِین باہر موجود كھانا کھانے کی جگہ شامل ہے۔ سب سے کامیاب بیرونی نشست گاھوں میں سے ایک، اِس گھر کے صحن کا نقشہ بہت دھیان سے کھینچا گیا ہے تا کہ یہ نہ صرف گھر کی بیرونی وضع اور اندرونی سجاوٹ کی عکاسی کرے بلکہ اس کی تکمیل بھی کرے۔

یہاں ہمارے پاس ایک ایسے گھر کی مثال موجود ہے جس نے بیرونی نشست گاھوں کے تصور کو بَدَل ڈاَلا۔ نہایت شاندار اسٹوڈیو LIJO.RENY.architects کامیابی سے ایک ایسا گھر بنا چکے ہیں جو بہت مہارت سے قدرت اور بناوٹ کو باہم ملاتا ہے۔ یہاں فرش کے درمیان میں ہم ایک باغ دیکھتے ہیں جو چھت پر موجود کھڑکی سے قدرتی روشنی حاصل کر رہا ہے۔ یہ گھر کے اندر ایک صحن کا سا احساس دے رہا ہے، ایک ایسی جگہ جہاں اپنے گھر کے اندر رہتے ہوئے آپ باہر رہنے کے فوائد حاصل کر سکتے ہیں۔

اپنے گھر کے بیرونی حصے کو مزید نکھارنے کے لیے یہ آئیڈیا بک دیکھیے: گھر کے باہر روشنی کرنے کی 15 تجاویز جو آپ کے گھر کو چمکا دیں گی۔